فەرهاد مورادی

ژیاننامە

     دەرهێنەر (فەرهاد مورادی) لە ساڵی (١٩٨٢) لە شاری سنە لە دایکبووە، مورادی لە ساڵی (٢٠٠٢) لە دەنگ و دیمەنی سنە وەکو نووسەر و ئەکتەر دەستی بە کارکردووە، لە ساڵی (٢٠٠٨) وەکو مۆنتاژکار و هاوکات لە سینەمادا دەستی بەکارکردووە، لە ساڵی (٢٠١٠) وەکو بەرهەمهێنەر و دەرهێنەر لە ناو تەلەفزیۆن کاری دەست پێکردووەو ساڵی (٢٠١١) زنجیرە بەڵگە فیلمی (پیشە کۆنەکانی هەورامان) لە دە ئەڵقەدا بۆ کەناڵی ئاسمانی پەیام و هەروەها بیست ئەڵقە زنجیرە بەڵگە فیلمی (لە سەر ڕێی گاوەڕۆ) بۆ دەنگ و دیمەنی سنەی ئامادەکردووە، دواتر زنجیرەی (ڕادیۆ سنە) بۆ ماوەی پێنج ساڵ و (دیمانە) بۆ ماوەی چوار ساڵ بۆ تەلەفیزیۆنی کوردستان و ساڵی (٢٠١٤) فیلمی درێژی (مەینەتی) و لە ساڵی (٢٠١٧) زنجیرەی کۆمیدی (کوچە باخ) لە (١٨) ئەڵقەدا بەرهەم هێناوە، لە ماوەی (٢٠) ساڵی ڕابردوویدا کاری لە زیاتر لە سی کورتە فیلم و بەڵگە فیلم کردووە و سەد فیچەری بەرهەمهێناوە.

     مورادی چەندین خەڵاتی بەدەستهێناوە، لەوانە:

     - ساڵی (٢٠٠٨) خەڵاتی باشترین مۆنتاژ بۆ فیلمی (ئەلموسەنا)

     - ساڵی (٢٠٠٩) خەڵاتی باشترین (مۆنتاژ) بۆ زنجیرەی (دێ نشینان)

     - ساڵی (٢٠١٢) خەڵاتی باشترین بەرهەمهێنەر بۆ بەڵگە فیلمی (خاتوونی میهرەبانی) لە فێستیڤاڵ تایبەت بە گشت بەرهەمەکانی ناوەندی دەنگ و دیمەنی ئێران بە دەست هێناوە.