فیلمە براوەکانی یەکەمین خولی فێستیڤاڵی فیلمی کۆ ڕاگەیەندرا
2555 جار بینراوە
لە ئێوارەی ٢٠٢٠/٦/٣ لە بەشێوەیەکی ڕاستەوخۆ فیلمە براوەکانی یەکەمین خولی فێستیڤاڵی فیلمی کۆ - ئۆنلاین لە لایەن لیژنەی داوەرانەوە ڕاگەیەندرا.
عەدنان عوسمان سەرۆکی لیژنەی داوەران ڕایگەیاند کە ٢١ فیلمی فیکشن و دۆکیۆمێنتاریان بە دەست گەیشتووە و دوای گفتوگۆیەکی چڕ لە لایەن لیژنەکەوە کە پێکهاتبوون لە سینەماکار (عەدنان عوسمان شاناز) سەرۆکی لیژنە و خاوەنی بڕوانامەی بەکالۆریۆس لە دەرهێنانی سینەمایی، هەروەها سینەماکار (ئیبراهیم ڕەمەزان) ئەندامی لیژنە و خاوەنی بڕوانامەی ماستەر لە سینەما، سینەماکار (جاسۆ ئۆسمانۆڤ) ئەندامی لیژنە و خاوەن بڕوانامەی دکتۆرا لە سیناریۆ و نوسین، ١٤ خەڵاتیان دابەش کردووە، سێ خەڵات بۆ فیلمی دۆکیۆمێنتاری و یانزە خەڵات بۆ فیلمی فیکشن.
خەڵاتەکانی یەکەمین خولی فیلمی فێستیڤاڵی فیلمی کۆ - ئۆنلاین (دۆکیۆمێنتاری):
- خەڵاتی یەکەمی فیلمی دۆکیۆمێنتاری بۆ فیلمی (Love Solitude) لە دەرهێنانی سەردار ستار.
- خەڵاتی دووەمی فیلمی دۆکیۆمێنتاری بۆ فیلمی (13May) لە دەرهێنانی تاریق تۆفیق.
- خەڵاتی سێیەمی فیلمی دۆکیۆمێنتاری بۆ فیلمی (1in 182000) لە دەرهێنانی کۆسرەت بورهان.
خەڵاتەکانی یەکەمین خولی فیلمی فێستیڤاڵی فیلمی کۆ - ئۆنلاین (فیکشن):
- خەڵاتی باشترین فیلم بۆ کورتە فیلمی (19) لە دەرهێنانی ئادەم ئەیام.
- خەڵاتی باشترین دەرهێنان بۆ کورتە فیلمی (I Will Wait) لە دەرهێنانی محمد شێروانی.
- خەڵاتی باشترین سیناریۆ بۆ کورتە فیلمی (Your Opinion) لە دەرهێنانی سیما ڕێبوار.
- خەڵاتی باشترین سینەماتۆگراف بۆ کورتە فیلمی (19) لە دەرهێنانی ئادەم ئایەم.
- خەڵاتی باشترین مۆنتاژ بۆ کورتە فیلمی (Best Short Film Award) لە دەرهێنانی واحید کفری.
- خەڵاتی باشترین ماکیاژ بۆ کورتە فیلمی (Hayat) لە دەرهێنانی کاردینا هێمن.
- خەڵاتی باشترین دیزاینی دیکۆر بۆ کورتە فیلمی (The Curse) لە دەرهێنانی دلاوەر نوری.
- خەڵاتی باشترین دەنگ بۆ کورتە فیلمی (I Will Wait) لە دەرهێنانی محمد شێروانی.
- خەڵاتی باشترین ئەکتەری سەرەکی کچ بۆ (کاردینا هێمن) لە کورتە فیلمی (Hayat) دەرهێنانی کاردینا هێمن.
- خەڵاتی باشترین ئەکتەری کچ لە ڕۆڵی دووەم بۆ (ڕێزە محمد) لە کورتە فیلمی (I Will Wait) دەرهێنانی محمد شێروانی.
- خەڵاتی باشترین ئەکتەری کوڕ بۆ (سەربەست ئەحمەد) لە کورتە فیلمی (Best Short Film Award) دەرهێنانی واحید کفری.