بۆ یەکەمجار چیڕۆکی دزەپێکراوی ئەڵقەی حەوتەم و کۆتایی ئەم وەرزە بخوێنەوە / سپۆیلەر
5474 جار بینراوە
وەرزی حەوتەمی زنجیرەی گەیم ئۆف ثرۆنز بەدەست دزەپێکردنی
چیڕۆک و ئەڵقەکانی زنجیرەکەوە دەناڵێت ، دوای پەخشکردنی ئەڵقەی چوارەم و پێنجەم
لەلایەن هاکەران و بە هەڵە پەخشکردنی ئەڵقەی شەشەم لەلایەن خودی کەناڵی "HBO " ، هەر ئەوەندەش ڕووینەداوە ، ئاشکرابوونی چیڕۆکی یەکە بە یەکەی
ئەڵقەکانیش دوو مانگ لەمەوبەر ڕوویدا ، و دوای خوێندنەوەی سکریپتی ئەڵقەی شەش چەند
ڕۆژێک بەر لەدەرچوونی ئەڵقەی شش و بینینی ئەڵقەکە دوای بڵاوبوونەوەی ، هەموو ڕووداوەکان
دەقاودەق وەک خۆیان ڕوویانداوە ، بۆیە بۆ ئەو کەسانەی حەزدەکەن دەتوانن ئێستا
بزانن کۆتایی ئەم وەرزە چۆن دەبێت ، ئەمیش چیڕۆکەکەمان لە هەمان سەرچاوەوە بۆ
هێناون کە چیڕۆکی ئەڵقەی شەشی بڵاوکردەوە.
[بۆیە تکایە ئەمەی خوارەوە سپۆیلەرێکی گەورەیە و ئەگەر
ناتەوێت لێت سپۆیل بێ ، چاوەڕێی ئەڵقەی کۆتایی بکە لە ٢٧ی مانگ]
ئەڵقەی کۆتایی ئەم وەرزە بەمشێوەیە دەبێت :
[وینتەرفێڵ]
سانسا فەرمانی کوشتنی لیتڵفینگەر دەردەکات لە هۆڵی
کۆبوونەوەکانی وینتەرفێڵ، لەم نێوەندەدا بڕان یارمەتی سانسا دەدات تاکو ناو ناخی
لیتڵفینگەر ببینێ و پیلانە شەڕانگێزەکانیشی بۆ ئاشکرا دەکات ، و ئاریا فەرمانە
کوشتنەکە بەدەستی خۆی جێبەجێ دەکات بەهۆی ئەو چەقیۆیەی کە لیتڵفینگەر دای بە بڕان
و بڕانیش بە ئاریای دایەوە ، بەر لە کوشتنی سانسا بە لیتڵفینفەر دەڵێت "سوپاس
بەڕێز بەیلیش ، سوپاس بۆ وانەکانت هەرگیز لەیادیان ناکەم".لیتڵ فینگەر
دەیەوێت بە زمانلووسیەکەی سانسا ڕازیبکات و دەڵێت سانسا ، بەڵام بەر لەتەواوکردنی
قسەکەی ئاریا ، چەقۆیەک لەملی دەدات.
کەس لە هۆڵەکە نایەتە دەنگ و بەمردنی لیتڵ فینگەر دڵتەنگ
نابن
لە ئەڵقەی شەش بینیمان کە سام قەڵاکە جێدێڵێت.لەم
ئەڵقەدا دێتە وینتەرفێڵ و بەیەکەوە بۆیان دەردەکەوێ کە جۆن کوڕی ڕەیگار و لایانایە
و لەڕاستیدا ناوی "ئەیگن تارگێریان"ە ، و هاوسەرگیری باوانی لە دۆڕن
کراوە و فەرمی بووە ، بۆیەش جۆن کوڕێکی یاساییە و زۆڵ نییە!
[لەنێو
کەشتیەکەی دەنێریس]
جۆن و دەنێریس بەیەکەوە دەخەون و دەبنە خۆشەویستی یەکدی.
[کۆبوونەوەکەی دڕاگن-پیت/کینگس لاندین]
لێرەدا نزیکەی ١٧ کەسایەتی سەرەکی زنجیرەکە کۆدەبنەوە ،
و دوای ئەوەی هاوند واکەرەکە ئەهێنێت ، هەمووان باوەڕ بە هەبوونی مردووەکان دەکەن
و بڕیار یەکڕیزی سوپاکانیان دەدەن ، لەسەرووی هەمووشیانەوە سێرسی بەڵێنی ناردنی
سوپاکەی بۆ باکوور دەدات.
(لێرەدا پەڕەیەکی چیڕۆکەکە نەدزراوە ، بۆیە بەشێکی
قسەکانی کۆبوونەوەکە بەنهێنی ماوەتەوە)
[دوای کۆبوونەوەکەی دڕاگن-پیت/کینگس لاندین]
سێرسی لێرەدا پێیوایە بە هاتنی واکەرەکان خۆی سوودمەندی
یەکەم دەبێت ، چونکە واکەرەکان هەموو دوژمنەکانی بۆ لەناودەبەن ، هەربۆیەش
پیلانەکەی خۆی بە جەیمی دەڵێت و ڕایدەگەیەنێت کە بەڵێنەکەی ناباتە سەر ، بەڵام
جەیمی ئەمەی بەدڵ نابێت و لێی یاخی دەبێت.
جەیمی کینگس لاندینگ جێدێڵێت بەجلێکی مەدەنیەوە و بڕۆن
لەگەڵی نابێت ،دەکرێ بڵێین کە نیشانەی پشتکردنە لە پۆستەکەی. لەم کاتەدا بەفرێکی
بچووک دەبینێت کە دەبارێت ، کە ئەمەش دەریدەخات زستان گەشتە باشووریش.جەیمی
بەردەوامدەبێت بەرەو باکوور دەڕوات بەمەبەستی بەشداریکردن لە جەنگە
چارەنووسازەکەدا لەنێوان مرۆڤەکان و مردووەکان.
[کۆتا دیمەن ، لای دیوارەکە]
نایت کینگ دیوارەکە تێکدەشکێنێت بەهۆی ئەژدیهاکەی
دەنێریس "ڤیسەریۆن و واکەرەکان بەڕێدەکەون بەرەو وینتەرفێڵ.