چەند بەشێکی تری ئاڤاتار بەرھەمدەھێنرێت !

دەرھێنەری فیلمی بەناوبانگی ئاڤاتار بڕیاریداوە ٤ بەشی تر لە فیلمەکەی بەرھەم بھێنێت و ماوەیەکی زۆرە ھەمووان چاوەڕێی بەشێکی تری ئەو فیلمە دەکەن.

بەپێی ھەواڵێکی ماڵپەڕە ھونەرییەکان جەیمز کامیرۆنی دەرھێنەری بەناوبانگ لە کۆنفرانسێکی تایبەت بە رۆڵی سینەما رایگەیاندووە بەنیازە ٤ بەشی تر لە فیلمی ئاڤاتار بەرھەم بھێنێت، ھەروەھا ئەو چیرۆکە دەبێت ببێتە بەشێکی ژیانی زۆربەمان و لە رۆتیناتی ژیان رزگارمان بکات، چونکە تەواوی کارەکان بە تەکنەلۆژیای سێ دووری ئەنجام دەدرێن و دوورن لە راستییەوە.

ھاوکات جەیمز رایگەیاندووە ئێستیا کار بۆ بەرھەمھێنانی بەشەکانی تری دەکات و کاری تۆمارکردنی ڤیدیۆیی سێ بەشی دەستپێدەکات، ھەروەھا بەو ٤ بەشە دەتوانێت تەواوی چیرۆکەکە بگێڕێتەوە و لە ساڵەکانی (٢٠١٨، ٢٠٢٠، ٢٠٢٢، ٢٠٢٣) بەشەکانی نمایش دەکرێن، ھەروەھا وا چاوەڕوان دەکرێت ئەو بەشانە بڕێکی زۆر پارە قازانج بکەن لەدوای ئەوەی ئاڤاتار لەساڵی ٢٠٠٩ ٢.٨ ملیار دۆلاری قازانج کرد.