ڕەوا حەمەد

ژیاننامە

   ڕەوا حەمەد لە ساڵی ١٩٩١ لە قەندیل لەدایک بووە و دانیشتوی شاری ڕانیەیە، خوێندنی سەرەتایی و ناوەندی و دوا ناوەندی لە ڕانیە تەواو کردووە و لە ئێستادا خوێندکاری دوا قۆناغی بەشی سینەمایە لە زانکۆی سلێمانی.

     سەرەتای دەست بەکاربوونی لە بواری هونەر ئەگەڕێتەوە بۆ قۆناغی خوێندنی سەرەتایی کە لە خوێندنگاکەی شانۆیی نمایش کردووە، لە ساڵی ٢٠٠٩ لە چەند یادێکدا شانۆی سەر شەقامی کردووە و بۆ ماوەی دوو ساڵ وەک ئەکتەر ڕۆڵی بینیوە.

     لە ساڵی ٢٠١٣ لە پێشانگایەکی هاوبەشدا بەشدار بووە بە ٧ تابلۆ، تابلۆ هونەریەکانی زیاتر گرافیکی و زەیت بوون کە زیاتر تابلۆی سروشت بوون.

     لەساڵی ٢٠١٦ لە زانکۆی سلێمانی بەشی هونەرەجونەکان وەرگیراوە.

     لەساڵی ٢٠١٧ لە کارێکی ئەزموونیدا  وەک دەرهێنەر کاری کردووە لە کورتە فیلمی (کچی گوڵ فرۆش).

     لە ساڵی ٢٠١٨ لە کورتە فیلمی (نەفرەت لە جەنگ) و چەندین بەرهەمی تردا وەک سیناریست و دەرهێنەر و دەنگ هەڵگر کاری کردووە.

     لە ساڵی ٢٠١٩ کاری سیناریۆ و دەرهێنانی بۆ کورتە فیلمی (بوتڵێک شیر) کردووە کە لە ئێستادا بەشدارە لەچەندین فێستیڤاڵی نێودەوڵەتی و لەپێشبڕکێدایە بۆ بردنەوەی خەڵات.